Hemmeleg Venn mai -09

Den 16.juni kom det endeleg pakke til meg i Hemmeleg Venn runde nr. 4 på Hobbyforum. Fristen for å sende gave var 20.mai, så eg hadde nok ikkje lenger venta at pakka skulle koma. Men det gjorde den! Papiret var reve sund, så det har nok skjedd noko i posten som var grunn til at den kom så seint.

Så til innhaldet i pakka: eg fekk to nøster blå sandnes alpakka, to nøster svart gjesdal alpakka, eit nøste rosa Nagano, eit nøste håndspunne ufarga villsau-ull (lukta så godt sau av det.. ), nokre te-poser og ei pakke med fløyelsblomst-frø. Tusen takk min hemmelege venn! Eg har ikkje funne ut kven du er enno, så gje meg gjerne eit hint!